U għaliex kollox perfett?
Kollox marbut ma' spaga waħda
jekk tħollha taf tneħħi l-ħoss
tal-baħar
Taf tnessi l-għajnejn magħluqin
biex jibqgħu magħluqin
Taf tpinġi bieb ġo ċimiterju
ħalli l-erwieħ ixommu l-laħam tas-siġar
u jisimgħu t-tbandil tal-qniepen
ħalli jieklu l-weraq ħodor
u jgħumu fil-likwidu tas-siment
tas-sema.
Ħalli jimxu fit-tubi trasparenti
dawn l-ucuħ ta' l-art
li jisimhom għelieqi
U jiġbru l-frawli u jpartu t-tut
u jisparaw l-imsiemer tal-qronfol
minflok mibgħeda
li tkejjilha b' riga
jew b' għonq ta' flixkun
bix-xfafar tad-demm tista' tagħmel festa.
0 Comments:
Post a Comment
<< Home