Rota Roża

"farfett 3 ijiem agonija fil-priżma tan-natura..."
"ħajtu magħluqa ġo kastell tal-ħġieġ.."
farfett
farfar
farfett l-ilma aħdar tan-natura
kurjuża bid-disinji t'alla u bil-forom ta l-eremiti
il-faxxinu spiritwali ta' l-innoċenza tiegħek
miġugħ issir wġigħ fietel
farfett
friefet ċfuf ħomor tal-poeti ċwievet ibbalzmati fl-inkwatri
oħolmu
umloħo oħl
lħo oħolmu
oħolmu
mu loħ..
minn xufftejja
bistek
u qtiltek
ġo karta tal-ħarir

-=-=-=-=-=-=-====-=-=-=-=-=-==-=-=-=

Il-lingwa tal-kuluri ġo flixkun artab

2005-08-10T16:02:00.000+02:00

Erbat ijiem nixrob....

ix-xemx daħlet fil-ħolqa ta' żunżana
u qed nara n-nies kollha tal-karta pesta.......

nimxi t-triq ltqajt ma' bieb xiħ
ahdar verdimar...
"kelma fir-riċetta tal-profeziji verde terra u mare"
u studjajt wiċċu u widnejh......
u l-bieb bħal postcard faqqa musketterija żgħira ġo ruħi........
inżajt għarwien
l-aħħar darba ġo dan it-teatru
u għafast il-pum tal-bieb
daqs l-isbaħ mara ġo mohhi............

:::::""""""""+_+_+_+_+___+___+_+_+_+_ qatt rajt farfett isfar u sulfarina moħbija ġol gwienaħ...?
iva l-farfett melankoliku tal-fjuri
għax għandu ħalqu jintenn bin-nikotina,,,,,,
u l-imrewħa tal-ġwienaħ....
qdiemet daqs il-manuskritti
bix-xoffa lewn it-te................

=-=-=-=-=-=-=-==============================
ma nafx imma qed nipprova nifhem
is-sinsla tad-dahar ta' għasfur ferut fuq l-irħama tal-biċċier.......
pakkett bolol u stillel.......
u rubber bands u water pistols
u prinjolata bil-perlini suwed tal-vulkan jidgħi ġo ħalqi...
mill-ħamiemu li jaħra
fuq it-tapizzerija tal-ksieħ
niknes kisja k
.

n
i
s
j
a

Monologu żgħir ta' poeżija maħruqa f'Ilsien Alla

2005-08-07T11:19:00.000+02:00

1

F'għajnejk għerqet ħajti.....
bħal vapur żgħir ġo akkwarju sħab blu......
il-lejl mudlam ġo katnazz
katnazz li jagħlaq il-forma tal-lejl...
u l-vapur żgħir
għereq bħall-pipa tal-vatikan....
li tellgħet duħħan iswed
fl-istilla li d-dmugħ tagħha
nkitbu seba' demgħat fil-maktur tiegħek

2

Fil-kristall ta' stilla
id-dawl ippenetra subgħajh
ġo sorm id-dlam

u l-qamar nefaħ fuq xufftejn ix-xemx........
ġol-birthday cake ta' l-univers

3

subgħajk ġo ħalqek..........

tradire la lingua
che veste il tuo corpo....
il-ġisem
id-drapp tal-maġija li joħroġ ħalib mill-fjuri
id-demm tal-ħolm
ġo ktejjeb żgħir
daqs werżieq
fis-sakra tal-lejl
"cullato dal tuo pianto"

4

KONT KELMA
U MBAGĦAD POETA
U MBAGĦAD RIXA TIRROMBLA FIX-XUFFTEJN SĦAN TAR-RIĦ
KONT LOGĦBA MATEMATIKA
FIL-VINI ĠO BELT SAGRA BIL-KANĊELL JIŻVILUPPA L-ĦOSS ETERN TAL-BAĦAR
KONT IL-KANT TA' ĦOLQA ĠO SAPUN
IL-ĦOSS TA' QANPIENA TBOSS
FIL-LEJL TAL-POETI

Bulu ħdud (għal Ħbula Stirati)

2005-08-06T15:52:00.000+02:00

poeżiji
poeżiji ħżiena
tajbin....
poeżiji bil-pigtails......
almanak solitarju fil-kalediskopju tal-baħar....
widna ta' ħmar
numru sitta bl-għarbi....
hemm vaska fl-eternita -==-=-=-=-=-==siringa fl-eternita....
l-iswed dlam tapizzar ta' isem dawl......
bulu ħdud
il-ġranet
bil-maqlub bil-kpiepel imniżlin mix-xtajtiet l-irjus........
għadda l-ocean bil-ħabel twil
u ċarrat
il-ħoss tal-fwieħa
f'idejk........
..
min ħa jġorr ismek meta ssir kadavru?
il-bużżieqa ħamra fuq salib iswed...?
il-frawla li ntilfet
ġol-ħbula tal-bosk?

ħbula stirratti...........qed ingerfexxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

gerfixt waħda ::::::::::::::::::::::::::::::::::::::::

talbaablat

2005-08-05T15:27:00.000+02:00

nixtieq ma niktiblekx iktar poeżiji ....lisa
imma din telgħet mir-rampa ta' qaddi u fformat bżieżaq ifuħu
mit-tieqa tiegħi fil-kurdiċella ta' mnieħri

talbaablat
talb(mera) ablat

sirt qisek orkestra fid-dlam
u mingħajr tieqa
u l-ebda kliem mhux sa
jinkitbu
fl-osiġenu
tal-filosofija ta bebbuxu,,,,,,,

"hawn kont tgħix biss
denb id-dell ta' kull ħaġa
il-ħoss irid
isib l-ikbar ċavetta
fl-iċken
katnazz li tħarrab
is-sensazzjoni
ta' l-alfabet
ta' ċagħka.......

(rajtek tegħreq fl-ispirtu tal-baħar)
jekk tgħaddi mit-test ta' min beda kollox
niddedikaha lilek......
l-istupru wisq umli biex
zewg artisti juzaw l-istess torċ ħalli jaraw il-kamalejonte jbiddel il-kuluri................................................

-""""""""""""""""""""""""""""""""""""""""""""""""""""""""""""""""""""""""""""""""""""""""""

Poeżija 2

2005-08-04T14:36:00.000+02:00

f'din is-sabiħa mera
irqadt ġo ġenbek
bħal għasfur li mititlu s-siġra

Għalik wara l-ħitan tal-knisja

2005-08-03T15:09:00.000+02:00

Għalik f'dan it-tarf tal-lejl minn ġol-liżar
ngħaddilek l-għanja ta' qalbi
minn wara l-kanċell

Skeċċ tax-xemgħa tan-nanniet

2005-08-02T15:16:00.000+02:00

Fit-tieqa l-qamar kien qed joffri ruħu lil xemgħa ġo kamra.............
ix-xemgħa kienet xiħa u b'ilsienha oranċo
kelmet lill-qamar bil-mod tagħha innoċenti::::

"Jiena xemgħa, ġismi għajjien, nilbes il-kappell tad-dlam fuq rasi.
Itfini u ħalli l-lapsijiet jiktbu fuq il-memorja tiegħi"

u l-qamar fis-sura ta' ballun, dawl silenzjuż, għatas boċċa dawl
li niżlet fit-tieqa ħdejn ix-xemgħa
u qal:

"Jiena l-qamar.
Ħietu l-forma tiegħi u ċ-ċoff tiegħi mil-loqom
meta x-xemx tpejjep sigarett u tinsa titfieh ġo l-ashtray...
Jiena trab maġiku
bejn il-kotba, il-ġisem u l-annimal...
Pinġuni bħala patri mill-Furjana, Franġiskan,
xagħri mqaxxar minn Monte Carmeli..........
u meta tarani roża
fil-poeżija tiegħek....
ftakar li jiena u inti, xemgħa, ras ma ras, fil-paċi flimkien
u fuq dak sidrek u fuq dak għonqok
inżommu x-xemx fuq subgħajna ż-żgħira"

Kobba ġenn itwiha f'maktur u itfagħha fil-ġenna

2005-08-01T11:45:00.000+02:00

=#=##=#=#=#=#=#=#=#=#=#=#=#=#=#===#=#

..sorry il-bieraħ għax ma kellix xi ngħid
......ħassejtek anġlu iswed bil-paġama tal-ġir ġo ċimiterju......

=-=-=-=-=-=-=-=-=-=-=-=-=-=-=-

Qatt rajt knisja mudlama?
qatt rajt is-siġġijiet lesti għall-gwerra ta' l-ispirtu
bir-run imxarrab bl-injam joħolmu fl-ispirtu s-santu tal-ġugarelli?...
Qatt rajt microphone?
u l-father ma jwassalx leħnu sa l-għaxar bank...
in-noli tal-vuċi "sopra corpo un giardino messo al fuoco...."

l-isbaħ ħaġa li rajt fid-duħħan tal-knisja...
raġel xiħ jobżoq il-bili ġo sodda ta' l-art
u jpejjep sigarett u jaħraq is-siġġu ta' quddiemu.......

il-knisja baqat umli għalih bħal cagħqa taqa' mil-liżar
u tegħreq fil-fond tax-xagħar.......

x xxxxxxxxxxxxxxxxxxxxx =-==-==-=-======

kewwistlek din il-poeżija għadha taħraq mill-istonku
issa stess

Fl-aħħar poeżija

2005-07-31T11:45:00.000+02:00

Fl-ahhar poeżija
ma tiħux nifs
merfugħa fil-flixken tal-ħġieġ
mgħottija mill-kliem
mixtrija mis-sħab blu
u ċ-ċwievet tat-trab
jirtogħdu

Spazju mewġ ugigħ
trab iddisinjat fil-moħħ
l-ghajnejn mgħawġin fid-dlam
purtieri suwed
swaba tqal
jgħaffġu ġamra ta' sigarett

ċapċip ċapċip ċapċip
il-bahar minsi
iċ-ċoff maħlul
it-tmiem

X`tiftakar?

xfar isfar
farfett imdendel minn saqajh
gdim
ħara abjad
tal-morda
rashom 'il fuq
id-deni tal-kometi
il-hadid tas-sodod
fix-xquq tal-hajt
żiffa riħ
fl-ahhar poeżija

Il-ħabs tiegħi

2005-07-30T11:43:00.000+02:00

Il-ħabs tiegħi huwa pitazz ta' rigi dojoq
Hemm tliet kuluri jistennewni
Vjola l-aħħar valve ma' qalbi
Iswed trab bħal ingwanta tiġbed leħni 'l bogħod minn moħħi
u fl-aħħar il-griż mingħajr animazzjoni
u nerġa' nsir żrara minn ġebla

Ħaffer

2005-07-29T11:37:00.000+02:00

Ħaffer il-qabar mara
l-imsiemer saru 4 pulzieri tad-deheb sal-lum
imma f'dan il-ġisem
l-għeruq ta' jdejja għadhom joħolmu
li jgħanquk u ssir tixbaħ lill-Alla

In-Nannakola

2005-07-28T11:32:00.000+02:00

Id-dadi eżoteriċi t'Alla
il-logħba tad-disinn
il-ħbula tal-kuluri jgħajtu isem l-ispirtu
il-laħam ipoġġi bilqiegħda
l-għajnejn imorru 'l bogħod
u
l-kantunieri ġeometriċi ta' nannakola
jiftħu t-tieqa tal-moħħ

"ejja ħdejja kreatura żgħira
fik in-nifs tal-poeti nisa
l-alġebra tad-daħq
u l-idejn taht it-trab aħdar.

Ħielsa ngħumu
taħt
il-ħin."

Il-Grammatika ta' l-Uġigħ

2005-07-27T11:28:00.000+02:00

===================================================
;;;;;;;;'''''''''ĦALLEJT GRAMMA LAĦAM ĠOL FOND TA' IDEJJA
ISSA L-FARFETT BEKA U TEBBA' L-KULURI
U L-MISTĦIJA QIEGĦDA FL-GĦOLJIET ĦODOR LI DALLMU T-TUBU
TAX-XEMX
........
NIFTAKAR FIL-LINGWAĠĠ METAFIŻIKU TAL-QAMAR
META ERBA' KANTUNIERI JSIRU TMIENJA
BARRA L-ĦSIEB
ĠOL-MEMORJA
U L-QABŻA TA' ŻRINĠ JGĦAFFEĠ IS-SĦANA
FUQ L-ILMA FFRIŻAT

Lill-ħabsi (Charlie Elisson)

Kannierja

2005-07-26T11:24:00.000+02:00

Jekk inpoġġi ammont ta' sbuħija
minn moħħi
fuq idejn tallab
issir tixbaħ
lill-
alla
allatallab
talla
lghab
talb
ta
tallab
t.b
3 birra
u l-ispirtu saħan

Revolver/Fwieħa

2005-07-25T11:19:00.000+02:00

Rajtek tispara dmugħ
mir-revolver mitfi ta' qalbek

Kienu dmugħ trasparenti?
Twerżiqa ħamra mill-pitirross?
Id-dlam ċkejken ġo niċċa?

Il-katnazz tad-deheb jagħlaq f'ħemda knisja...

Sebaħ
u mat-tarf ta' filgħodu
id-dmugħ tiegħek saru fwieħa.

Meta naħseb fuqek

2005-07-24T11:17:00.000+02:00

Meta naħseb fuqek

jgħaddi trakk mimli żrar tad-deheb

u qalbi tieqaf

ghal mument

Rogħda

2005-07-23T11:11:00.000+02:00

Ir-rogħda tal-ġisem
Ir-rogħda tal-pjaneti
Ir-rogħda tal-ġebel fuq il-mera
ilma
Ir-rogħda ta' l-insetti
Ir-rogħda fil-kuluri
Ir-rogħda fl-imħabba
Għandi lapes u jikteb
rogħda tixbaħ lir-rota
ir-rota ta l-imħabba
tintenn u tiċċaqlaq b'rogħda

Fil-kantunieri tal-moħħ
ir-rogħda riħ sħun
ħiereġ mit-tarmak t'ismek

Rogħda nobogħdok
nixorbok
inweldek
titwieled
ma nifilħekx
hekk dritta
fil vini.............
li ma jistgħux jiddrittaw
dak li hu mgħawweġ

Kliem

2005-07-22T11:07:00.000+02:00

Kliem żgħar
żrar
imgerfxin f'pitazz abjad

Kliem trab
maġiku
misruq mill-ilma mbierek

'l hemm iġibuh 'lhawn
u 'l hawn t`issa
jiksuh bl-għanqbut

Kliem il-kuġini taċ-ċwievet
Huma l-friefet mejtin
tal-feriti

Huma ismek impenġi
fuq irħama tleqq
u tirrifletti s-sħab bil-maqlub
in-nifs - in-nifs 'l isfel
il-ġewwa ta` dejjem
u
il-barra tas-soltu

Riċetta

2005-07-21T11:01:00.000+02:00

......................... lill-Kid

Immaġina swaba tal-ħġieġ
pjanu tal-ħġieġ
sikkina tal-ħġieġ
tojlit pejper tal-ħġieġ bid-demm miegħu
petne tal-ħġieġ
minuti tad-dqiq
dell iswed isawwat dell ieħor
xita ta' ħġieġ
immaġinani niekol dubbiena
l-inka mill-qamar
napkin bis-sadid
Bach b'sormu barra
iġerrieh mill-ġewwa tiegħu
riħa ta' ħabs
ħabel ta' qanpiena
flixkun ta' l-ilma mtaqqab
l-aħħar ħarsa ta' wieħed ħa jitgħallaq
it-tmiem ta' soru
verġni żverġnata
pitazz magħluq
pjazza mejta
sieq waħda
kelma waħda
lazz maħlul
bank vojt
buttuna miftuħa
il-mewt ta' ommok
id-disinn f'idejn missierek
it-tfal jilagħbu
b'għasfur mejjet
kollox tal-ħġieġ
kollox talba waħda
miżien wieħed
somma waħda
........============*************************
ħajja waħda

Għalfejn qed tibki

2005-07-20T18:48:00.000+02:00

Qed inxomm id-dmugħ tiegħek ġo tazza
jiena u nixrob
...
l-isbaħ rigal ta' ħajti sar tal-ħġieġ.
...
Jiena nibki minn ġo fik
u meta tifraħ nispiċċa bħal kelb ġo tebut
...
kesħa
...
Niġri għal wara dak id-dell li ħlomt
b'idejk u b'toqol tal-fwieħa
li kienet tkellimni iktar mill-poeti u l-karti ħomor
tat-tajr tal-filosfi
...
u jiena kelb u nferfer denbi
bħall-kullar ta' patri
...
Tazza ilma imbierek
ħa naħsel id-dawl t'għajnejk
fuq dan il-madum mudlam
...
ħa ngħanqek minn ġo fija l-aħħar kewkba

zoma din

2005-07-19T10:12:00.000+02:00

Il mewt mandx
memorja mandx
idejn ija larti
kolha li tohlom u
tigi igidukat bhal
insett .+.+em
zewg mewtiet
wahda li qieda
warajk bhal
del+tiek
qudimek u lohra
bl maqlub
.+lahar haxja
kbira ta hajtek
ija lakbar adu tk

8 nifsejja

2005-07-18T21:02:00.000+02:00

Tmiem
Tama
Togħma
Għawma
ġol-baħar l-agħmi
l-għajn
l-għana
tal-moħħ
f'għadira
nagħas
in-nifs
joħroġ
bħal
vulkan
minn
imnieħrek

Lil Idejk

2005-07-17T20:59:00.000+02:00

Idejk tranji sħana
ħarbu bużżieqa f'għajn il-qamar
fejn b'velu iswed
u għajnejh roża
spiċċa mqatta' f'ritratt
imriegħed ġo tieqa
.........................................

Lejja Mu

2005-07-16T20:44:00.000+02:00

Erba' għasafar ċartuli qalbi f'ħajti
u t-tbissim tiegħi libsu parrokka.
Għajnejja tilfu l-lighter mis-sigarett
u niftakar

u tiftakar
il-fanal ġo ktieb
il-melodija tal-kitarra
kif kienet tiftaħ il-purtieri filgħodu
marbutin ġo xulxin?

Ħajti ħajta

2005-07-15T20:27:00.001+02:00

Id-dlam rikeb it-tieqa
u qabeż ma' l-art fuq il-madum.

Il-ħsejjes daħlu bħal alfabet kliem
mingħajr spazju ġo ktieb
u fil-mera il-purtiera sewda
inxtorbot fil-bogħod.

Ftakart fis-sufan blu
u ħallejt saqajn ruħi
jixxarbu fix-xmara blu
tax-xemgħa.

Ħolma

2005-07-15T20:20:00.000+02:00

Ħolma ġo kamra sewda u telefown abjad.

- ċempel Charlie -

drinnnnnnn
drinnnnnn

"Jien jisimni Charlie"

u qalli istrieħ,
toqogħdx tiġri wara ħajtek - int borża duħħan,
mera tonda fejn l-infinit imtappan bis-swaba ta' l-imqass -

u qalli
jew għidtlu:

"Imħadda waħda hawn ġos-sodda waħedha"

Rejp innoċenti

2005-07-14T20:11:00.000+02:00

Għandi swaba twal
fihom l-a b ċ d
e
u
taħt il-laħam
il-mużika tal-ħmieġ

il-melodiji tal-ħsieb

nibda bihom
fl-oroskopju ta' ruħek.

Niskomponi
l - a - r - p - a
bejn saqajk fjura bbalzmata ġo grotta
u fl-abissi tal-lejl imxarrab
hemm il-funtana tal-ħoss

daħħalt
dħalt
ajma
amen
ajme
jna ma xxxxxxxxxxxxxu
u l-anġlu ta' ħajtek intilef
meta jien ħriġt minn ġo fik.

Swaba

2005-07-13T19:32:00.000+02:00

Swaba swaba
Kreaturi twal
tieklu biss li ma jidhirx
tpinġu biss dak li ma jingħadx

Swaba. Tixbħu ftit 'il-kelma spaga.
Swaba.
Tinnamraw ma' kull oġġett li ttikhom forma
bħal musmar
bħal bżar
bħal kullar
bħal buttuni tal-liftijiet
u n-numri kkuluriti diġitali fuq l-arloġġ
tal-ħġieġ
bħal xi dwejjaq meta
jinħallek il-lazz.

Swaba. Intom id-dud moderni
li jridu jinħallu jisparixxu
u jbejtu fil-ġisem li joġobhom.

Intom Divini sa lanqas
qatra demm.

Swaba li jħollu x-xagħar
li jgħaddulek il-ġuh ta' ras
isuqu r-roti mekkaniċi tal-ġisem
ipinġu l-anġli jbulu f' xi kantuniera ta' ktieb
iffaqqaw xi bergħuda
iqabbdu sulfarina
jilgħabu mal-pil tas-sufan
jaqsmu xi pillola ta' dwejjaq
Intom il-ħolm ta' saba' wieħed
imqareb jilgħab
isib iċ-ċavetta
mdendla mal-manikomju
tal-laħam
fix-xaqq
ta'
bejn saqajk.

L-imħadda u l-baħar

2005-07-12T19:26:00.000+02:00

X'għandek bżonn biex tagħmel baħar
artifiċjali?
Tneħħi żarbun tpoġġi l-ilma
f' tazza u tixorbu minn widnejk
Tagħlaq il-purtieri
u tiżbogħ il-kpiepel t'ghajnejk blu.
Tagħlaq il-purtieri
u tieħu nifs 'il ġewwa u ta'
barra tħallih wara l-mera
u tħalli 'l-ġrieden jilagħbu dawra
durella fuq l-imħadda.
U żerżaq il-pjanu
tiftaħ ktieb fl-aħħar paġna
Teqleb bil-maqlub inkwadru
fejn hemm is-sema iġġibha
baħar u fejn hemm baħar iġġibu
sema
u b' subgħajk iż-żgħir timxi fuq
l-ilma
u tiġbor bagalja mitlufa mill-art
u tiftaħ ittra mingħajr
ittra
u togħdos
u togħdos
u taqla' 'l-batterija mill-arloġġ
u dan il-baħar li ilu jgħix 1000
sena
u saru t-tlieta
u kunjomi Grima birra
u niftaħ l-umbrella
u qiegħed fuq l-imħadda
u qiegħed noħlom fuq il-kelma baħar
fl-aħħar
fil-baħar.

Noli

2005-07-11T19:21:00.000+02:00

Hemm ħafna għoli fin-noli!
f' xi kappella abbandunata
hemm impenġija t-triq imgerfxa
ta' l-imħabba.
________________________

Noli ------- rasi tuġgħani
L-uġigħ mentali
Iż-żugraga li tlift
Il-100 tbissima
magħfġin minn ġebla
u kibret felula vjola fix-xfar
fejn tiċkien ix-xemx
il-mewġ griż u blu tal-baħar
reqdin fuq kommodina
================
1, 2, 3 stenna
Ghajnejja m' għadomx jikkuppjaw x' inhuma
jaraw
u nieħdu pirmla
u naqbżu ċ-ċint
Qagħdni fl-A, B, Ċ
X' biża' - (stenna mhux lest)
hemm xi ħadd jixbaħni fil-mera
Imma tgħid qiegħed warajja?
Jiftaħ il-bieb u jerġa'
jidher fil-mera

Issa b' wiċċi 'l fuq
u s-sħab sellum
Il-ħin miexi bħal bebbuxu
Noli
U issa s-salib eħfef
Noli
Waqajt mill-għoli

Lillllllllllllllllllllllll

2005-07-10T19:17:00.000+02:00

Lil dawk li jċappsu
subgħajhom fit-trab
Lil dawk li nħallu
mill-katina tleqq.

Lil dawk li sparaw
il-ħruq ta' moħħhom
fuq is-sufani.

Lil dawk li jaħdmu
t-tarmak iswed tal-kwiekeb.

Lil dawk li mmimaw
il-ferħ ta' ġenn
fl-għanqbuta tal-mera.

Lil dawk li staħbew
fiċ-ċumnija ta' qalbi.

Lil dawk
li tgħaqqdu fil-bellus
tan-nagħas.

Lil dawk
li saru nemel
u għebu
fl-għoli
x' imkien.

Lil dawk
li qatt ma
raw
is-silenzju
ta' l-għasafar mitwijin
fil-ħġieġ tal-ġenna.

Xi dwejjaq

2005-07-09T08:20:00.000+02:00

Xi dwejjaq il-ħoss tal-qniepen
il-kuċċarina fiz-zokkor
idejk f' idejja
subgħajk f' ħalqi fil-kamra tal-
banju
Madum abjad u għasafar tal-plastic.

Xi dwejjaq dan il-mewġ li
jibni wiċċek fil-bott imtaqqab
fil-blu u l-vjola
fil-mewt tax-xemx fuq il-kpiepel
tal-bini

It-toroq

It-toroq
mhux mużika
m'humiex fliexken vojta ta' l-ispirti
m'humiex anġli fis-santi

Xi dwejjaq li nemmen fid-disinn
t' ghajnejk li issa saru qoffa
fejn ninża' l-maskra
ngħaddi t-trufijiet tal-ħin

u tlift
u tlift
u tlift

għasart l-għeneb b' saqajja u skirt
fiż-żifna ta' ġismek u raqqadt
il-qamar taħt is-sodda
u bdejt nitkellem b' lingwa oħra
u qafluli idejja u temmgħuni
ikel jintenn u fakkruni fid-disinn
tal-fwieħa tiegħek li ħaduha
'l-boghod 'l-boghod 'l-boghod
fejn spiċċaw is-sodod
it-tghanniq u l-pjaċir vera tad-dwejjaq ta' bejnietna

Noħlom fuq ħalqek

2005-07-08T08:15:00.000+02:00

Jiena nixgħel sulfarina
u inti tixgħel lajter
X' hemm differenza mill-baħar mielah
għall-ilma ħelu?
Ma nafx, għalhekk hemm il-griż
li jifred is-sbuħija ta' l-abjad u
l-iswed.
Għalhekk hemm differenza bejn bajda
mgħollija u bajda moqlija.
It-taġen tarmak
mimli żejt
Jekk trid tweġġa' għad hemm
spazju
spazju

Mhux fil-bżieżaq
Mhux fl-infinit
Jiena hawn u inti hemm
u jekk taqleb il-ktieb li qed ngħid
tigi inti li qed tmexxi r-riga
taż-żmien
ta' xufftejk ma' xufftejja

Mhux aħjar mix-xemx
roża u tfuħ
nieżla u tbit ġurnata oħra?

L-Aħħar Miżien

2005-07-07T08:11:00.000+02:00

Kemm hu eħfef li ma noqogħdux
inkejlu d-dmugħ
Dan id-dmugħ b' wires trasparenti
imqabbdin mal-qalb.
Roti sodi mingħajr brejkijiet
jaħbtu ma' wiċċek u joħorgu
jiġru minn ġo ġismek
Miżien
Miżien
tal-ġranet
trab kannella
xkupa u pala.
U malajr jgħaddi kollox.

Ittra M

2005-07-06T08:08:00.000+02:00

Mudlam
ma dlam
madum
ma dlam
Mudlam

L-Ewwel Miżien

2005-07-05T17:44:00.000+02:00

Ħalli l-piż tiegħek
fuq il-piż tiegħi
Farfett iswed fuq Fjura sewda

Tubu

2005-07-04T17:40:00.000+02:00

"Hemm tubu vjola
stendut go tebut
U tifla ċkejkna titfi xemgħa
minn fuq kejk
U l-mewt biċ-ċekċika ferħana
tgħodd il-mewġ
tan-nifs
FERĦAN KULĦADD
.......... .... . . . .. . . .. .. . . .. . .. . ..

U flawt innoċenti
marbut
ġo
kaxxa ħġieġ
li saret xibka ta' l-uġigħ
maqbuda fis-sunnara
tal-ħsieb
loqom il-lapes
u t-trab taż-żmien
iħassru
t-tmiem."

Lil Ray Pitre

Funeral

2005-07-03T17:38:00.000+02:00

Fl-irmied griz
Fiż-żiffa tar-riħ
Fil-ħoss taċ-ċwievet fil-but
idejk għadha mwaħħla
bil-kolla tal-fjuri
ma' xuftejja

Fl-aħħar xemx nieżla
naħraq l-aħħar
riga
ħsieb
taħt xi għolja
moħbija
fil-bogħod
tan-nifs

Ħsieb/Ħolma

2005-07-02T17:36:00.000+02:00

Il-bierah int sibt ċavetta
tal-ħġieġ u ftaħt bieb

u Ringiela purtieri
tqal bid-dlam fil-memorja
neżżajthom waħda
waħda
u stajt narak mill-ħsieb
b' libsa inviżibbli tat-
tieġ
jew fir-riħa blu ta'
l-isptar tistenna xi
farfett tal-laħam joħroġ minnek

Illum

2005-07-01T17:33:00.000+02:00

Illum qtilt poeta
fil-ħsieb
u sraqtlu xofftejh
minn fejn
kien qed jixrob
il-likwidu li jfejjaq
il-mard tal-moħħ.

Il-bozza tiċċaqlaq
il-pinna tiċċaqlaq
bħar-rix ta' l-Anġli
m' għandix paċi
m' għandix nifs
Triq mudlama
dejqa
daqs
musmar
daqs xaqq
go xagħra
u fil-ħolma
ta' nemla
spiċċajt
it-tikka.

Telefonata A.A.A.

2005-06-30T17:29:00.000+02:00

Iddejjaqt
imdejjaq
ferħan
qed narak
(mhux qed tarani)
inħobbok
daqs wurdiena
fil-gaġġa tal-bieb
dejjaq
fejn se jidfnuni
mingħajr kont
mingħajr calculator
mingħajr ħin
mingħajr ħoss tal-
baħar
jew kikkra kafè
b' televixin mitfi
mingħajr xogħol
mingħajr kelma

għażżien
----------
li tajruni biha
ha ċċaqalquni
bħall-ewwel sinna
li waqatlek
minn ħalqek
b' widnejkom magħluqa
u nobogħod il-fjuri
iċ-ċaqliq tal-fjuri
u nobgħod kull pitazz
tar-rigi wesgħin
għax fid-dojoq
nista’ nikteb
nobogħdok
u fil-wisgħa tiġi tidher
zgħira
se nieħu nifs
u nħassar ismi mit-telefown
directory
mis-seba’ pjaneti
li jduru ġo
moħħok
u jikxfu l-verità
mgħerqa
jew noqtlok jien
l-ewwel
jew int qabli
Illum is-Sibt
u x' se nieklu l-Ħadd
Uff xi sħana
x' kesħa
x' vojt
twil
qasir
tqil
niexef
spiċċajt barra
mingħajr
ġewwa

Tislima

2005-06-29T11:11:00.000+02:00

Dan il-moħħ
ċkejken
jesa’ polz
ta' nifs misluf minn barra.

Il-ġebel dejjem lixxi jtektku
l-ħin fil-ħoss ta' l-għanqbut
Fix-xita tal-kliem
taqtax subgħajk.

Kollox wieqaf rasu 'l isfel
f' dan il-kunċert sieket
tal-forom bla forom
tal-ġwienaħ moħbijja
fin-noli ta' l-ideat.
L-ideat fqar u kbar
li jaqflu l-buttuni
tal-moħħ
u jissiġġilaw it-tislima
nieqsa
minn fuq wiċċi.

L-irmied ta' xufftejk

2005-06-28T11:06:00.000+02:00

U dak l-irmied
li jaqa’ minn xufftejk u
jinqabad fix-xibka ta' ruħi

Fuq il-moll ta' l-iskola għandi nistennik
bil-maktur nadif fejn naħbi
id-disinnji tal-mistħija

It-truf roża tal-lożor imqalbin
f' dan ir-ritratt imtebba’ tal-passat
fit-toqba tal-bieraħ

Hemm 1000 ħabel tal-weraq aħdar
fejn għadhom jimxu l-ħsejjes ta' jdejk.

U l-ingwanti jagħmlu xogħolhom
bħall-ewwel xita jaqtawli lsieni
bħall-ponta ta' ħġieġa ngħaddi xuftejja
u nitgħawweġ u niġbor il-kliem moħbi
fit-trab
li sar parti mill-irmied ta'
xufftejk

Illum armejt ruħi ġol-baħar

2005-06-27T01:45:00.000+02:00

Bilwieqfa kontra dell iswed
ħriġt ġebla tleqq minn qalbi
u
tfajtha
fil-kilometri tal-ħin
'l isfel
ġo
l-blu iswed
tal-baħar.

Kienet forsi rixa
minn għasfur?
jew xi poeżija minn
mara
Eġizzjana?

u l-baħar tfewwaq
mewġa ħadra
minn xagħru
u
erġajt
ġbart
dak
li
armejt.

U kieku jiena salib?

2005-06-26T09:21:00.000+02:00

Rajtek ġejja bl-offerti
bid-dmugħ ta' moħħok fi plattina
Kien hemm 3, 2, 1, jew erbgħa
u lanqas biex tisqi għasfur li kien
għadu jitwieled ma kellek
Ħarist lejn wiċċek u qabadni
l-għatx.
Għall-ewwel darba minn wara
dik il-mera li saħħant it-toqob
tal-ħsibijiet tiegħek
"Ġibu lura għax inħobbok" għidt inti
ġibu lura lura lura u
suffarina inħliet u spiċċajna fid-dlam
fis-skiet wara l-purtiera tal-ħġieġ
stennejtek
tinża u turini sidrek roża
It-tbenġil ta' gideb fuq poeżija
toħroġ idejk biex twaddab il-ġebel
twaqqa' 'l xi ħadd minn fuq xi bandla
għax dejqek
u x-xita bdiet nieżla u l-ħbula
bdew jinżlu u d-dmugħ bdew jikbru
ġo kuċċarina
u gdibt bħall-ewwel inbid li
żżidlu zokkor u gdibt
bħall-ajruplan tal-plastic
u gdibt meta kont taf li
kelli cancer (f' xi żmien)
(Għalfejn) => biex tieħu l-flus tiegħi
_______________________________

Orbot idejk bħal-tifla zgħira
u jiena nżilt minn hemm
u gdimtlek għonqok.

U għaliex kollox perfett?

2005-06-25T21:28:00.000+02:00

Kollox marbut ma' spaga waħda
jekk tħollha taf tneħħi l-ħoss
tal-baħar

Taf tnessi l-għajnejn magħluqin
biex jibqgħu magħluqin

Taf tpinġi bieb ġo ċimiterju
ħalli l-erwieħ ixommu l-laħam tas-siġar
u jisimgħu t-tbandil tal-qniepen
ħalli jieklu l-weraq ħodor
u jgħumu fil-likwidu tas-siment
tas-sema.

Ħalli jimxu fit-tubi trasparenti
dawn l-ucuħ ta' l-art
li jisimhom għelieqi

U jiġbru l-frawli u jpartu t-tut
u jisparaw l-imsiemer tal-qronfol
minflok mibgħeda
li tkejjilha b' riga
jew b' għonq ta' flixkun
bix-xfafar tad-demm tista' tagħmel festa.

Ix-xemx nieżla

2005-06-24T21:33:00.000+02:00

Hemm ċentimetru għoli
fejn jegħreq il-ħsieb

u t-tifel żgħir jilbes l-ingwanti
tal-gomma

u jaqra fil-polz
it-taħbit tax-xemx

tissara mal-aħħar għoljiet
qabel ma jsajjarha l-lejl
f' dan id-dlam ta' bla forma
fejn minn taħt
jiġu sparati
il-porvli blu
tal-baħar.

L-uniformi tal-baħar fis-skiet

2005-06-23T10:43:00.000+02:00

Il-baħar kwiet fis-skiet
fid-dlam f' idejn il-fqar
fir-rixtellu tas-sadid
hemm xi ħaġa tixbah ix-xagħar
griż.
U l-mewġ, ir-ragħwa
it-talb fuq id-dgħajjes
fil-qsim tal-ħsieb
jaqa' l-frak
mill-għoli
f' dik il-fjura tfuħ
miżmuma f' xi vażett vjola

Kmieni filgħodu

2005-06-22T10:48:00.000+02:00

Kmieni filgħodu meta l-kuluri
imutu fil-qiegħ ta' l-affarijiet
Kollox jimxi b' lura
u l-lingwa ta' bil-lejl terġa’
lura fil-fliexken mimlijin
inka

Kmieni filgħodu
meta jittewbu l-ewwel sħab fis-sema
meta t-traffiku ta' l-għasafar jimtela’ fl-ajru
u l-ħsejjes kbar jilgħabu maż-żgħar
u l-bibien jinfetħu
u s-silenzju tat-twieqi jitwieled
fid-dawl ġdid
Kmieni filgħodu

L-Għasfur

2005-06-21T10:52:00.000+02:00

Fid-duħħan blu
l-għasfur
tar
sparixxa
bħal-gomma
li ħasret
għadira
dlam

Requiem lil Imnieħri

2005-06-20T10:55:00.000+02:00

Nobgħod il-mutur li għandi
ġo moħħi
Il-Mera
[Iss.. Il-Merat]
"L-applawsss tal-molekoli f' xi
splużjoni
ħamra fuq tapit
tas-silġ"
Il-ħofra sewda
It-telefonata fil-mera
Il-ħabel inviżibbli tal-ħġieġ
It-30 għoqda f' ismi
(L-imqass jistenna
tazza ħalib)
"Il-logħba tal-fjuri li jitkelmu
fin-nifs tat-twiebet"
Il-mera
Id-dell ta' mnieħri wurdiena
tgħum fl-abjad tal-ħajt
Il-fiżiku ta' mnieħri
Il-ġlekk tal-vellut
u fil-but jerġa' jistaħba mnieħri.

Imnieħri onest
alavolja il-vjola jibqa' vjola

Imnieħri onest
ħa konkors ta' sbuħija u werwer
il-kliem fil-kotba u l-insetti fl-inkwatri.

Rota Roża

2005-06-19T11:00:00.000+02:00

Liema tasal l-ewwel?
dgħajsa tal-karti jew rota
mingħajr roti biex inkompli din l-istorja?
__________________________________________

L-ewwel tqarbina kienet tixbah
l-ewwel qatgħa xagħar fil-mera
jew l-ewwel tbenġila wara daħka?
Prosit
(Televixin mingħajr buttuni)
Kemm inħobbok iktar mill-butir
għalhekk hemm xi ħaġa tqila fil-
qabar tiegħi
Niftakar
Niftakrek
Tibdel il-fjuri tirranġa l-ġebel
titla' s-sellum biex tibdel bozza
u pjaċir iċarċar ma' idejja
u missejt is-sħana u l-bozza
ittatiet u l-passat mexa lura
xjaħ
irmied fuq siġġu
u niftakar tbiddel il-fjuri
u tneħħili l-lazz ta' l-uġigħ
u tbiddel il-prezz minn fuq ġismi
29 sena u nobogħod il-ħalib.
______________________________________

33 " nibdel in-nuċċali
u nilgħab noli mal-mewt
u ma niftaħx ħalqi
u nidher minn wara
u għonqi għadu ta' tifel
żgħir.

Inpinġi l-weraq ħodor fix-xitwa
Inpoġġi l-ħiter fis-sajf

x x x x x x x x x x x x x x x x x x x x c x c x

u ħa mmut mhux bħal Kristu
ħa mmut mingħajr memorja
mingħajr qniepen li ma jfakrunix
minn fejn ġejt jew minn fejn tlaqt.

Oħra

2005-02-08T14:23:00.000+01:00

Mara ħalli jissaddu fid-dawl tal-qamar dawn id-dwiefer....
sa meta sorm ix-xemx
tneżża' l-gideb,,,,,,
ir-reliġjon
il-qata' tax-xafra fil-leħja tal-patata......

il-bidwi joħlom fil-bir...

ir-reliġjon joħolmu fil-piżelli tal-ġenna......

il-ġisem jixtieq ir-ruħ...
ir-ruħ tixtieq il-ġisem
qatt ma lagħab il-passju....

is-suppożitorju tad-deheb.......

jiġi bhal filokalja tal-mużika fil-bard ta' Moska.....

u malet malt malata?
nieklu ravjul tal-ħaxi

bl-ispinaċi

innoċenti
tagħna,,,,,,,,,.,.,,.